ఘనంగా బతికేపల్లిలో గురుపుజోత్సవం*
ఉపాధ్యాయులను సన్మానించిన సర్పంచ్ శోభారాణి*

పెగడపల్లి , సెప్టెంబర్ 05 :(జనం సాక్షి )పెగడపల్లి మండలం బతికేపల్లి గ్రామం విద్యార్థుల అభ్యున్నతే లక్ష్యంగా ఉపాధ్యాయులు పనిచేస్తున్నారని జగిత్యాల జిల్లా పంచాయతీ రాజ్ ఛాంబర్ చైర్మన్, బతికేపల్లి సర్పంచ్ తాటిపర్తి శోభారాణి అన్నారు. భారత ఉపరాష్ట్రపతి, రాష్ట్రపతిగా ఉన్నత పదవులు అలంకరించిన స్వర్గీయ డాక్టర్ సర్వేపల్లి రాధాకృషన్ జయంతి సందర్బంగా జగిత్యాల జిల్లా పెగడపల్లి మండలం బతికేపల్లి పాఠశాలలో గురుపుజోత్సవాన్ని ఘనంగా జరుపుకొని  సర్పంచ్ శోభారాణి ఆధ్వర్యంలో ఉపాధ్యాయులను సన్మానించారు. ఈసందర్బంగా శోభారాణి మాట్లాడుతూ ఉపాధ్యాయ వృత్తి ఉన్నతమైందని, ఉపాధ్యాయులు సమాజానిర్మాతలని పేర్కొన్నారు. విద్యార్థులను ఉన్నత స్థాయిలో నిలపడానికి, విద్యార్థుల సర్వతోముఖభివృద్ధికి కృషిచేస్తున్నారని చెబుతూ వారి సేవలు అభినందనీయమని కొనియాడారు.
కార్యక్రమంలో ఉపాధ్యాయులు రవీందర్,గుర్రం శ్రీనివాస్, శ్రీధర్, జమిల్, శ్రీనివాస్,లక్ష్మణ్, రమేష్, పంచాయతీ కార్యదర్శి ప్రేమలత, విద్యార్థులు తదితరులు పాల్గొన్నారు.