పెగడపల్లి మండలం మోడల్ స్కూల్   విద్యార్థుల అభ్యసన సామర్ధ్యాలు మెరుగుపరచాలని ఉపాధ్యాయులు నిత్య విద్యార్థిగా మారి కొత్త విషయాలను ఆసక్తికరంగా విద్యార్థులకు బోధించాలని  ప్రిన్సిపాల్  రవి ఉపాధ్యాయులతో అన్నారు. జగిత్యాల జిల్లాలోని 13 మోడల్ స్కూల్స్   ఉపాధ్యాయులకు పెగడపల్లి మోడల్ స్కూల్లో ఉపాధ్యాయ శిక్షణ కార్యక్రమం శనివారం జరిగింది. ఈ సందర్భంగా  ప్రిన్సిపాల్  రవి మాట్లాడుతూ మోడల్ స్కూల్స్ విద్యార్థుల అభ్యర్థుల అభ్యసన సామర్ధ్యాలను పెంచుటకు ఉపాధ్యాయులకు మొదటిసారిగా ఈ శిక్షణ కార్యక్రమం ఏర్పాటు చేసిన ఉన్నతాధికారులకు కృతజ్ఞతలు తెలిపారు. కాలానుగుణంగా విద్యార్థుల ఆసక్తులు గమనిస్తూ ఉపాధ్యాయులు బోధించాలని అన్నారు. ఆర్పి రాజేందర్ బోధన అంశాలు పరీక్ష పత్రం తయారీ ప్రాజెక్టు పని వంటి అంశాలను ఉపాధ్యాయులకు అవగాహన కలిగించారు ఈ కార్యక్రమంలో జగిత్యాల జిల్లాలోని మోడల్ స్కూల్స్ ఉపాధ్యాయులు పాల్గొన్నారు