సూర్యాపేట టౌన్ (జనంసాక్షి): జిల్లా కేంద్రంలోని సదరన్ పవర్ డిస్ట్రిబ్యూషన్ కంపెనీ అసిస్టెంట్ డివిజన్ ఇంజనీర్ స్టోర్స్ కేంద్రంలో సోమవారం గణేష్ నవరాత్రి ఉత్సవాలను ఘనంగా నిర్వహించారు.ఈ సందర్భంగా కార్యాలయంలో నెలకొల్పిన మట్టి గణనాథునికి ప్రత్యేక పూజలు నిర్వహించారు.అనంతరం కార్యాలయం ఏడి కట్కూరి శ్రీనివాస్ రెడ్డి సిబ్బందితో కలిసి పూజలు చేసి , అన్నదాన కార్యక్రమాన్ని ప్రారంభించి మాట్లాడారు.గణేష్ నవరాత్రి ఉత్సవాలను భక్తిశ్రద్ధలతో శాంతియుత వాతావరణంలో జరుపుకోవాలని అన్నారు.ఈ కార్యక్రమంలో ఏఈలు దయాకర్ రెడ్డి , శ్రీనివాస్ రెడ్డి, స్టోర్ ఉద్యోగులు, సిబ్బంది తదితరులు పాల్గొన్నారు.