మల్దకల్ అక్టోబర్13 జనంసాక్షి) రాష్ట్రవ్యాప్తంగా తమ డిమాండ్ల సాధన కోసం 80 రోజులుగా సమ్మె చేసిన వీఆర్ఏలు గురువారం సమ్మె విరమించి విధుల్లోకి చేరారు. వీఆర్ఏ జేఏసీ నాయకులతో సిఎస్ సోమేశ్ కుమార్ తో జరిపిన చర్చలు సఫలం కావడంతో విధులు చేరినట్లు మండల వీఆర్ఏల సంఘం అధ్యక్షుడు పుర్ర లక్ష్మన్న తెలిపారు.మునుగోడు ఉప ఎన్నికలు ఉన్నందున వచ్చేనెల జీవో చేస్తున్నట్లు సిఎస్ తెలపడంతో సమ్మె విరమించి విధుల్లో చేరినట్లు ఆయన పేర్కొన్నారు.సమ్మెకు దిగిన వీఆర్ఏలు అందరూ విధుల్లో చేరుతున్నట్లు తహసిల్దార్ హరికృష్ణ కి విధుల్లోకి చేర్చుకోవాలని వినతిపత్రం సమర్పించినట్లు ఆయన పేర్కొన్నారు.