నర్సాపూర్. సెప్టెంబర్,  15  ( జనం సాక్షి ) ‘

 నర్సాపూర్ సమీపంలోని పెద్ద చింతకుంట గేటు వద్ద ఉన్న పోతులూరి వీరబ్రహ్మేంద్రస్వామి దేవాలయం వద్ద  ఈ నెల 17న శ్రీ విరాట్ విశ్వకర్మ జయంతి యజ్ఞ మహోత్సవాన్ని నిర్వహిస్తున్నట్లు నర్సాపూర్ విశ్వబ్రాహ్మణ మను మయ సంఘం మండల అధ్యక్షుడు కమ్మరి కృపాచారి తెలిపారు.  ఈ సందర్భంగా ఆయన మాట్లాడుతూ శనివారం నాడు ఉదయం,  వేదపారాయణం, మంగళ వాయిద్యాలు,  జ్యోతి ప్రజ్వలన, గణపతి పూజా కార్యక్రమం,  విశ్వకర్మ జెండా ఆవిష్కరణ,  విశ్వకర్మ భగవానుని ఊరేగింపు కార్యక్రమం,  విశ్వకర్మ భగవానుని పూజ యజ్ఞం హోమం , అనంతరం అన్నదాన కార్యక్రమం నిర్వహిస్తున్నట్లు చెప్పారు. కావున భక్తులు అధిక సంఖ్యలో పాల్గొనాలని కోరారు.   ఈ సమావేశంలో విశ్వకర్మ సంఘం నర్సాపూర్ పట్టణ అధ్యక్షుడు సదానందం చారి.  కార్యదర్శి వడ్ల దశరథం చారి,  ఉత్సవ కమిటీ అధ్యక్షుడు వడ్ల  నరసింహాచారి  తదితరులు ఉన్నారు.