సూర్యాపేట ప్రతినిధి ( జనంసాక్షి ): చివ్వెంల మండల పరిధిలోని ఉండ్రుగొండ లక్ష్మీ నృసింహ

స్వామి వారి దేవస్థానం కోటి లింగేశ్వర గంగా మల్లికార్జున గుడి సమీపంలో వెలిసిన కాల బైరవ స్వామి వారికి శనివారం శని త్రయోదశి తిథిని పురస్కరించుకుని భక్తులు ప్రత్యేక పూజలు నిర్వహించారు.ఈ తిథి రోజున స్వామి వారిని దర్శించుకుని పూజిస్తే కోరుకున్న కోరికలు నెరవేరుతాయని పూజారి బొడ్డు సొమ్మయ్య తెలిపారు.దేవాలయం నందు బడుగు సత్యనారాయణ శాస్త్రి ఆధ్వర్యంలో పూజలు జరుగునని తెలిపారు.ఈ పూజ కార్యక్రమంలో మున్సిపల్ సిబ్బంది ఎస్ఎస్ఆర్ ప్రసాద్ , గజ్జి శ్రవణ్ కుమార్ , ఎలగందుల వెంకటేశ్వర్లు , పల్సా సైదులు ,శివ, భక్తులు తదితరులు పాల్గొన్నారు.