చేర్యాల (జనంసాక్షి) అక్టోబర్ 14 : విజయవాడలో ఈనెల 14 నుండి 18వ తేదీ వరకు జరిగే సీపీఐ జాతీయ 24వ మహాసభలకు చేర్యాల ప్రాంతం నుండి సీపీఐ జిల్లా కార్యవర్గ సభ్యులు అందె అశోక్ ఆధ్వర్యంలో గురువారం ఛలో విజయవాడకు భారీగా తరలి వెళ్లారు. ఈ సందర్భంగా అందె అశోక్ మాట్లాడుతూ.. దేశంలో జరుగుతున్న పరిణామాలు, రాజకీయ పరిస్థితులపై సుదీర్ఘంగా చర్చించి ప్రజా సమస్యల పరిష్కారం కోసం భవిష్యత్తులో కమ్యూనిస్టు పార్టీ పోరాటాలకు, పార్టీ బలోపేతమే దిశగా ఈ మహాసభల్లో కార్యచరణ రూపొందిస్తారని పేర్కొన్నారు. ఈ మహాసభలకు దేశంలోని అన్ని రాష్ట్రాల ప్రతినిధులు హాజరుకానున్నట్లు తెలిపారు. తరలి వెళ్లిన వారిలో సిపిఐ జిల్లా సమితి సభ్యులు ఈరి భూమయ్య, కుడిక్యాల బాల్ మోహన్, సీపీఐ చేర్యాల పట్టణ కార్యదర్శి ఉడుగుల శ్రీనివాస్, నాయకులు తిగుల్ల కనకయ్య, ఈరి సత్తవ్వ, ఐశ్వర్య, రజిత,మల్లవ్వ, సురేందర్, మల్లేశం, రాజయ్య తదితరులు ఉన్నారు.