జహీరాబాద్ సెప్టెంబర్ 29( జనం సాక్షి) సురక్షితమైన ప్రయాణ సౌలభ్యం కోసం ప్రజలందరూ ఆర్టీసీ బస్సులను ఆదరించాలని జహీరాబాద్ ఆర్టీసీ డిపో మేనేజర్ రజిని కృష్ణ పేర్కొన్నారు. రవాణా శాఖ అధికారులు మరియు తెలంగాణ రాష్ట్ర రోడ్డు రవాణా సంస్థ, జహీరాబాద్ డిపో అధికారులు కలసి సంయుక్తంగా నిర్వహించిన వాహన తనిఖీలలో సరైన పత్రాలు లేని నాణ్యత ప్రమాణాలు పాటించని ఆరు ఆటోలను, నిబంధనలకు విరుద్ధంగా ప్రయాణికులను చేరవేస్తున్న ఒక స్కూల్ బస్సును, ఒక ట్రాలీ ఆటోను సీజ్ చేశారు. ఈ సందర్భంగా ఆయన మాట్లాడుతూ ప్రభుత్వ ఆదాయానికి గండి కొడుతున్న రోడ్డు ప్రమాదాలకు కారణమవుతున్న అక్రమ వాహనాలను అరికట్టడానికి ఉన్నతాధికారుల ఆదేశాల మేరకు రవాణా శాఖతో కలిసి స్పెషల్ డ్రైవ్ కార్యక్రమాలను తరచుగా ఏర్పాటు చేస్తున్నట్లు డిపో మేనేజర్ తెలియజేశారు. ఈ స్పెషల్ డ్రైవ్ లో అసిస్టెంట్ మోటర్ వెహికల్ ఇన్స్పెక్టర్ లావణ్య,సి.హెచ్. శ్రీనివాస్-అసిస్టెంట్ మేనేజర్ ట్రాఫిక్ డిపో సిబ్బంది తదితరులు పాల్గొన్నారు.