మునగాల, ఫిబ్రవరి12(జనంసాక్షి): ఫిబ్రవరి ఆరో తారీకు ఖమ్మం జిల్లాలో మునగాల మండలానికి చెందిన మారోజు సురేష్ చారికి రోడ్డు ప్రమాదంలో తీవ్రంగా గాయపడి హైదరాబాద్ ప్రైవేట్ ఆస్పత్రిలో చికిత్స పొందుతున్నారనే విషయం విదితమే. గత 10వ తేదీన జనంసాక్షి దినపత్రికలో వచ్చిన కథనానికి సురేష్ చారికి వైద్య ఖర్చుల నిమిత్తం కుటుంబ మిత్రులు, బాల్య మిత్రులందరు కలిసి శనివారం 50వేల రూపాయల ఆర్థిక సహాయం సురేష్ తల్లిదండ్రులు మారోజు నాగభూషణచారి, ఈశ్వరమ్మలకు అందించారు. మునగాల మండల కేంద్రానికి చెందిన వివిధ సామాజిక వర్గాలకు చెందిన సురేష్ చారి కుటుంబ మిత్రులు 40వేల రూపాయలు, సురేష్ తో చదివిన బాల్యమిత్రులు 10వేల రూపాయలు కలిపి మొత్తం 50 వేల ఆర్థిక సహాయాన్ని అందజేశారు. ఈ కార్యక్రమంలో రచ్చ శ్రీను, కుప్పిరెడ్డి నవీన్ రెడ్డి రచ్ఛా రంజిత్ కుమారస్వామి రచ్చ సత్యనారాయణ వేట బిక్షం పాల బిందెలకిరణ్ మండవ శేషు సురేష్ బాల్య మిత్రులు బత్తిని సూరి, ఎలగందుల పవన్ తదితరులు పాల్గొన్నారు