*స్కూల్ భవనానికి భూమి పూజ చేసిన ఎమ్మెల్యే ప్రకాష్ గౌడ్*

*రాజేంద్రనగర్.ఆర్.సి (జనం సాక్షి)* : రంగారెడ్డి జిల్లా శంషాబాద్ మున్సిపాలిటీ పరిధిలోని 17వ వార్డు సిదంతిలో అంగన్వాడి స్కూల్ ప్రాంతంలో కౌన్సిలర్ మేకల వెంకటేష్ ఆద్వర్యంలో స్కూల్ భవన నిర్మాణానికి 20 లక్షల సొంత నిధులు ఇచ్చిన దాత సిద్ధు రెడ్డి తో కలిసి శుక్రవారం భూమి పూజ చేసిన ఎమ్మెల్యే ప్రకాష్ గౌడ్.

ఈ సందర్భంగా మాట్లాడుతూ ప్రతి ఒక్కరూ చదువుకోవాలని మంచి మనసుతో స్కూల్ భవన నిర్మాణానికి సొంత నిధులు ఇచ్చిన సిద్దు రెడ్డి తన దాతృత్వాన్ని చాటుకున్నారని అన్నారు. సమాజంలో ఇలాంటి వారు చాలా అరుదుగా ఉంటారని ఆయనను అభినందించారు. టిఆర్ఎస్ ప్రభుత్వం కూడా విద్య కొరకు కోట్ల రూపాయలు విడుదల చేసి గురుకుల పాఠశాల నిర్మించింది అన్నారు. ఇలాంటి సందర్భంలో దాతలు వచ్చి పాఠశాల నిర్మించడం మంచి శుభ పరిణామం అన్నారు.

ఈ కార్యక్రమంలో మున్సిపల్ చైర్ పర్సన్ సుష్మారెడ్డి, వైస్ చైర్మన్ బండి గోపాల్ యాదవ్, మార్కెట్ కమిటీ చైర్మన్ వెంకటేష్ గౌడ్,మోహన్ రావు,హన్మంతు, మేరుగు రమేష్, బస్తీ వాసులు తదితరులు పాల్గొన్నారు.

ఫోటో రైటప్ : దాతల సాయంతో నిర్మిస్తున్న స్కూల్ భవనానికి భూమి పూజ చేస్తున్న ఎమ్మెల్యే ప్రకాష్ గౌడ్.