భైంసా జనం సాక్షి జూలై24

నిర్మల్ జిల్లా భైంసా మండలంలోని హంపోలి గ్రామానికి చెందిన నిత్య(7) చిన్నారి పాముకాటుతో మృతిచెందింది. రాత్రి వేళల్లో సుమారు 2 గంటల ప్రాంతంలో నిద్రిస్తున్న సమయంలో తన తండ్రిని నిద్రలేపి కాలికి ఏదో కరిచినట్లుందని ఏడవడంతో తండ్రి కూతురి కాలిని పరిశీలించగా రక్తం వెళ్లడం గమనించాడు. వెంటనే దుప్పటి తీయగా అందులో నుండి పాము బయటికి వచ్చింది. వెంటనే పామును చంపి హుటాహుటిన భైంసాలోని ప్రైవేటు ఆసుపత్రికి తరలించారు. అక్కడ చికిత్స పొందుతూ నిత్యా మృతిచెందింది. పక్కనే పడుకున్న కూతురు నిత్యా పాముకాటుతో మరణించడంతో తల్లిదండ్రుల రోదనలు మిన్నంటాయి. మృతదేహాన్ని పోస్టుమార్టం నిమిత్తం భైంసా ఏరియా ఆసుపత్రికి తరలించారు.