జనంసాక్షి / చిగురుమామిడి – సెప్టెంబర్ 21: ప్రేమించి తన చెల్లిని పెళ్లి చేసుకున్నాడని కోపంతో వరుడి కుటుంబసభ్యులపై దాడికి దిగిన సంఘటన బుధవారం మండల కేంద్రంలో చోటుచేసుకుంది. ఎస్సై సుధాకర్ తెలిపిన వివరాలు ఇలా ఉన్నాయి.
మండల కేంద్రంలోని ఎస్సి కాలనీలో నివాసముండే గడ్డం శ్రీనివాస్ కుమారుడు చందు జగిత్యాలలో నివాసం ఉండే నందిత అనే అమ్మాయిని ప్రేమ వివాహం చేసుకున్నాడని కోపంతో నందిత యొక్క అన్నయ్య వెంకటరమణ@రాజు బంధువు ప్రేమ్@చింటు ఇంటిలోకి అక్రమంగా ప్రవేశించి దాడి చేయగా గడ్డం చందు అతని తల్లి గడ్డం స్వప్న లకు గాయాలు కాగా కరీంనగర్ లోని ప్రభుత్వ ఆసుపత్రిలో చికిత్స పొందుతున్నారు. గడ్డం చందు యొక్క తండ్రి శ్రీనివాస్ ఇచ్చిన ఫిర్యాదు మేరకు నేరస్తులపైన హత్య ప్రయత్నం కేసు నమోదు చేసి దర్యాప్తు చేస్తున్నట్లు ఎస్సై డి. సుధాకర్ ఒక ప్రకటనలో తెలిపారు.