హరితహారం లో భాగంగా మొక్కల పంపిణీ..
ఫోటో : మొక్కలు పంపిణీ చేస్తున్న సర్పంచ్, ఎంపీటీసీ తదితరులు..
సిద్దిపేట అర్బన్, జూలై 8(జనం సాక్షి):
సిద్దిపేట అర్బన్ మండలం ఏన్సాన్ పల్లి గ్రామంలో హరితహారం లో భాగంగా శుక్రవారం మొక్కలను నాటారు. ఎక్సైజ్ శాఖ అధికారులతో కలిసి స్థానిక సర్పంచ్ రవీందర్ గౌడ్, ఎంపీటీసీ స్రవంతి ప్రశాంత్ గ్రామంలో మొక్కలను నాటారు. ఈ సందర్భంగా వారు మాట్లాడుతూ హరితహారం లో భాగంగా గ్రామంలో నాటిన మొక్కలను ఆయా పరిసర ప్రాంతాల ప్రజలు సంరక్షించుకునే బాధ్యత తీసుకోవాలని గ్రామస్తులకు సూచించారు. అనంతరం గ్రామస్తులకు మొక్కలను పంపిణీ చేసి ప్రతి ఒక్కరు మొక్కలు నాటాలని తెలిపారు. మొక్కలను నాట్టడంతో పాటు పరిసరాలను కూడా పరిశుభ్రంగా ఉంచుకోవాలని సూచించారు. కార్యక్రమంలో పంచాయతీ కార్యదర్శి బాబు,స్థానిక నాయకులు ప్రశాంత్ తదితరులు పాల్గొన్నారు.
Attachments area
