తమిళనాడు (జనంసాక్షి) : సినీ నటుడు విజయ్ పార్టీని స్థాపించడం, తమిళనాడులో జరగనున్న అసెంబ్లీ ఎన్నికల్లో పోటీ చేయడంపై మీడియా అడిగిన ప్రశ్నకు ప్రముఖ నటుడు కమల్ హాసన్ స్పందించిన తీరుపై నెటిజన్లు విమర్శలు గుప్పిస్తున్నారు. తమిళనాడులో డీఎంకే పార్టీతో పొత్తు చర్చలు తదితర అంశాలపై ఆయన మీడియాతో మాట్లాడారు.  ఈ ప్రశ్నకు కమల్ హాసన్ నవ్వుతూ, “ఆ విషయాలు నాకెందుకు? నాకు చాలా పనులు ఉన్నాయి, వాటిపైనే దృష్టి పెట్టాలి” అని బదులిచ్చారు. కమల్ హాసన్ ఇంకా మాట్లాడుతూ, రజనీకాంత్, నెల్సన్ దిలీప్‌కుమార్‌లతో కలిసి తాను నటిస్తున్న చిత్రంపై స్పందించారు. తమిళనాడులో అసెంబ్లీ ఎన్నికల తర్వాత ఈ చిత్రం షూటింగ్ మొదలవుతుందని అన్నారు. తనకు రాజకీయంగా చాలా పనులు ఉన్నాయని, అలాగే సినిమాల్లో నటించాల్సి ఉందని వెల్లడించారు.