అంగన్‌వాడీ కేంద్రాలను పరిశుభ్రంగా ఉంచుకోవాలి
జగదేవ్ పూర్ ఆగస్ట్ 7జనంసాక్షి :
జగదేవ్ పూర్ మండలంలోని అన్ని గ్రామాల్లో అంగన్‌వాడీ కేంద్రాలను పరిశుభ్రంగా ఉంచుకోవాలని మండల అంగన్‌వాడీ సూపర్ వైజర్ భవానీ పేర్కొన్నారు. శనివారం తిగుల్ గ్రామంలో మూడు అంగన్‌వాడీ కేంద్రాలను తనిఖీ చేశారు. ముందుగా రికార్డులను పరిశీలించారు. అనంతరం ఆమె మాట్లాడుతూ వానాకాలం దృష్టిలో పెట్టుకుని కేంద్రాల చుట్టూ పిచ్చి మొక్కలు లేకుండా పరిశుభ్రంగా ఉండేలా చర్యలు తీసుకోవాలన్నారు. పిల్లలకు ఎలాంటి ఇబ్బందులు లేకుండా జాగ్రత్తలు తీసుకోవాలని సూచించారు. ప్రీ పైమారీ పిల్లల సంఖ్యను పెంచాలని కోరారు. విధుల పట్ల నిర్లక్ష్యం వహిస్తే సహించేది లేదన్నారు. అంగన్‌వాడీ కేంద్రాల చుట్టూ ఖాళీ స్థలం ఉంటే కిచెన్ గార్డెన్ లను ఏర్పాటు చేయాలని సూచించారు. కార్యక్రమంలో టీచర్లు కనకమ్మ, రుక్మిణీ, కళ తదితరులు పాల్గొన్నారు.
