అశ్వరావుపేట ఆర్చి,సెప్టెంబర్ 26( జనం సాక్షి ) అశ్వరావుపేట మండల కేంద్రంలోని తిరుమల కుంట గ్రామంలో బతుకమ్మ పండుగ ఉత్సవాలను గ్రామానికి చెందిన మహిళలు మరియు యువతుల సహకారంతో ప్రతీ సంవత్సరం బతుకమ్మ పండుగ సంబరాలను ఘనంగా జరుపుకుంటున్నారు.తెలంగాణ పండుగైన బతుకమ్మను తంగేడు,గునుగు పూలతో అలంకరించి,మన సంస్కృతి సంప్రదాయాలను ప్రతిబించేలా ఆటపాటలతో బతుకమ్మను పూజిస్తూ ఆడపడుచులంతా భక్తిని చాటుకున్నారు. గ్రామంలో జరిగిన బతుకమ్మ పండుగ మహోత్సవంలో గ్రామానికి చెందిన మహిళలు అధిక సంఖ్యలో పాల్గొని తిరుమల కుంట సెంటర్ లో ఉన్న బొడ్రాయి కి పూజలు చేశారు. అమ్మవారికి బోనాలు సమర్పించి, రకరకాల పూలు రంగుల పూలతో బతుకమ్మను పేర్చి ఆటపాటలతో సందడి చేశారు