బీర్కూర్‌ గ్రామీణం: భారతరత్న డా.బి.ఆర్‌ అంబేద్కర్‌ మహోన్నత వ్యక్తి అని ఆయన సూచించిన బాటలో యువత నడవాలని మండలంలోని దుర్కి గ్రామాభివృద్ధి కమిటీ అధ్యక్షుడు ఎ.మోహన్‌ అన్నారు. మండలంలోని ఆయా గ్రామాల్లో ఈరోజు అంబేద్కర్‌ 123వ జయంతి ఉత్సవాలను ఘనంగా నిర్వహించారు. ఈ సందర్భంగా దుర్కి, నస్రుల్లాబాద్‌, అంకోల్‌, మిర్జాపూర్‌ తదితర గ్రామాల్లో అంబేద్కర్‌ విగ్రహాలకు పూలమాలలు వేసి ఆయన్ను స్మరించుకున్నారు. ఈ కార్యక్రమంలో దుర్గం శ్రీనివాస్‌, మైనయ్య, నారాగౌడ్‌, గ్రామస్థులు పాల్గొన్నారు.