ఘనంగా డాక్టర్ గఫార్ జన్మదిన వేడుకలు

పరిగి రూరల్ , అక్టోబర్ 9 ( జనం సాక్షి ) :

అనాధ పిల్లలకు అండగా నిలువడం అభినందనీయమని టీఆర్ఎస్ యువ నాయకులు కొప్పుల అనిల్ రెడ్డి అన్నారు. వికారాబాద్ జిల్లా పరిగిలోని బాలసదనంలో ఆదివారం డాక్టర్ గఫార్ 50వ జన్మదిన వేడుకలను  ఘనంగా నిర్వహించారు. బాలసదనంలోని చిన్నారులతో  కలిసి డాక్టర్ గఫార్ కేక్ కట్ చేశారు. ఈ సందర్బంగా డాక్టర్ గఫార్ మాట్లాడుతూ తోడు లేని పేద విద్యార్థులకు అండగా ఉంగా నిలువాల్సిన అవసరం ఎంతైనా ఉందన్నారు. ఈ పిల్లలు భవిష్యత్తులో ఉన్నత స్థానంలోనిలిచేందుకు తన సహాయ, సహకారాలు ఎల్లప్పుడు ఉంటాయని తెలిపారు. అనంతరం బాలసదనంలోని విద్యార్థులు దుస్తులు పంపిణీ చేశారు.  ఈ జన్మదిన వేడుకల్లో మున్సిపల్ చైర్మన్ ముకుంద అశోక్ కుమార్, ఎంపీపీ కరణం అరవింద్ రావ్, మార్కెట్ కమిటీ చైర్మన్ అంతిగారి సురేందర్ కుమార్, పీఏసీఎస్ వైస్ చైర్మన్ శివన్నోళ్ల భాస్కర్, టీఆర్ఎస్ మండల పార్టీ అధ్యక్షులు రొయ్యల ఆంజనేయులు, నాయకులు బేతు ప్రవీణ్ కుమార్ రెడ్డి, పటేల్ జగదీశ్వర్, అన్వర్ సేట్, ఇబ్రహీం, వినోద్ తదితరులు పాల్గొన్నారు.

ఫోటో రైటప్ :

09 పిఆర్ జి 01లో బాల సదనంలో ఇద్దరి విద్యార్థులను దత్తత తీసుకున్న డాక్టర్ గఫార్

06లో చిన్నారులకు దుస్తులు పంపిణీ చేస్తున్న డాక్టర్ గఫార్