-సేవ చేయడమే ప్రధమ లక్ష్యం

-సిరికొండ విక్రం కుమార్

మహబూబాబాద్ బ్యూరో-జూలై17(జనంసాక్షి)

సంకల్ప బలం ఉంటే సాధించలేనిది లేదని నిరూపించాడొక సామాన్య యువకుడు వివరాల్లోకి వెళితే మహబూబాబాద్ జిల్లా తొర్రూర్ డివిజన్ కేంద్రంలోని మదర్ వాలంటరీ ఆర్గనైజేషన్ వ్యవస్థాపక అధ్యక్షుడు సిరికొండ విక్రం కుమార్ ఏడు సంవత్సరాల క్రితం స్థాపించిన స్వచ్ఛంద సంస్థ ద్వారా అనేక కార్యక్రమాలు నిర్వహిస్తూ ప్రస్తుతం జిల్లాలోని రెండవ అతిపెద్ద పట్టణమైన తొర్రూర్ డివిజన్ పరిసర గ్రామాల ప్రజలకు అత్యవసర పరిస్థితి ఏర్పడితే ఒకే ఒక అంబులెన్స్ అందుబాటులో ఉండడంతో అది సరిపోదు అని భావించి దాతలు తొర్రూర్ మాజీ డిఎస్పి వెంకటరమణ,ప్రస్తుత తహసిల్దార్ రాఘవరెడ్డి, మున్సిపల్ కౌన్సిలర్ తూణం రోజా ప్రభుదాస్, కాంగ్రెస్ పార్టీ కిసాన్ సెల్ జిల్లా ఉపాధ్యక్షుడు కందాడి అశోక్ రెడ్డి ల సహకారంతో ఏర్పాటుచేసిన అంబులెన్స్ ను ఆదివారం డివిజన్ కేంద్రంలో ఏర్పాటుచేసిన కార్యక్రమంలో ముఖ్య అతిథులు రాఘవరెడ్డి, రోజా ప్రభుదాస్, అశోక్ రెడ్డి లు ప్రారంభించారు. ఈ సందర్భంగా వారు మాట్లాడుతూ ..అంబులెన్స్ ను అత్యవసర పరిస్థితుల్లో కేవలం పెట్రోల్ పోసుకొని ఉపయోగించుకునే విధంగా అంబులెన్స్ ఏర్పాటుచేసిన మదర్ వాలంటరీ ఆర్గనైజేషన్ టీమును అభినందించారు. అత్యవసర పరిస్థితుల్లో అంబులెన్స్ కొరకు 9441565454 నంబర్లు సంప్రదించాలని సూచించారు.ఈ కార్యక్రమంలో 2వ వార్డ్ కౌన్సిలర్ తుర్పాటి సంగీత రవి, చకిలేల మనిరాజ్, మేకల కుమార్, తూనం శ్రావణ్, ముడుపు రవీందర్ రెడ్డి, కసోజూ శ్రీనివాస చారి, చీకటి శ్రీదర్, కోటగిరి సంతోష్, సంస్థ ప్రతినిధులు పాల్గొన్నారు.