పేదలకు ఫాదర్ రఫెల్ చేసిన సేవలు అమూల్యమైనవి.

తల్లిదండ్రుల జ్ఞాపకార్థంగా తిమ్మరాయినిపహాడ్ లో మహా అన్నదాన కార్యక్రమం

జనం సాక్షి, చెన్నారావుపేట.

మండలంలోని తిమ్మరాయినిపహాడ్ గ్రామానికి చెందిన ఏటుకూరి రాయన్న-శాంతమ్మ ల వర్ధంతి సందర్భంగా తల్లిదండ్రుల జ్ఞాపకార్థంగా ఆయన కుమారుడు ఫాదర్ రఫెల్,కుటుంబ సభ్యుల ఆధ్వర్యంలో గ్రామంలో మహా అన్నదాన కార్యక్రమాన్ని నిర్వహించారు.ఈ సందర్భంగా ఫాథర్ రఫాయెల్ గ్రామానికి చేసిన సేవలను ప్రజలు గుర్తు చేసుకున్నారు.గ్రామంలోని ఎస్.సి కాలనీలో ఫాదర్ రఫెల్ స్వంతంగా స్థలాలు కొని పక్కా ఇండ్లు కట్టించాడని,అలాగే గ్రామంలోని పేదలను ఆర్థికంగా ఆదుకున్నాడని,పేదల కోసం ఆయన చేసిన సేవలు అమూల్యమైనవని అన్నారు.అనంతరం కాలనీ వాసులు తమకు అన్నివిధాలుగా అండగా ఉన్న ఫాదర్ ని సన్మానించారు.ఈ కార్యక్రమంలో గ్రామ కాంగ్రేస్ పార్టీ అధ్యక్షుడు ఏటుకూరి జయరాజు, దేవదానయ్య,తమసయ్య,నిజామోద్దీన్,కొమ్ముల కొమురయ్య,చిన్ను,కోమల భాస్కర్,మంద నరేష్,కొమ్ముల కిరణ్, మందరాజు, బాలజోజి గ్రామస్థులు పాల్గొన్నారు