సూర్యాపేట ప్రతినిధి : అన్ని దానాల్లోకెల్లా అన్నదానం గొప్పదని స్థానిక 43వ వార్డ్ కౌన్సిలర్ నామ అరుణ ప్రవీణ్ అన్నారు.సోమవారం స్థానిక 43వ వార్డ్ నెహ్రూ నగర్ లో శ్రీశ్రీ గణేష్ ఉత్సవ కమిటీ ఆధ్వర్యంలో ఏర్పాటు చేసిన గణనాథుని విగ్రహం వద్ద ప్రత్యేక పూజలు నిర్వహించారు.అనంతరం శ్రీశ్రీ గణేష్ ఉత్సవ కమిటీ ద్వితీయ వార్షికోత్సవంను పురస్కరించుకుని ఏర్పాటు చేసిన అన్నదాన కార్యక్రమాన్ని టీపీసీసీ సెక్రెటరీ పటేల్ రమేష్ రెడ్డి సతీమణి లావణ్యతో కలిసి ప్రారంభించారు.ఈ సందర్భంగా వారు మాట్లాడుతూ ప్రతి ఒక్కరూ వినాయక చవితి వేడుకలను భక్తి శ్రద్ధలతో జరుపుకోవాలన్నారు.ఆ గణనాథుని దీవెనలతో ప్రజలంతా సుఖ సంతోషాలతో ఉండాలని ఆకాంక్షించారు.ఉత్సవ కమిటీ ఆధ్వర్యంలో అన్నదాన కార్యక్రమాన్ని నిర్వహించడం అభినందనీయం అన్నారు.
అంతకుముందు టీపీసీసీ సెక్రటరీ పటేల్ రమేష్ రెడ్డి స్వామి వారిని దర్శించుకుని ప్రత్యేక పూజలు నిర్వహించారు.ఈ కార్యక్రమంలో నాయకులు పిల్లల రమేష్ నాయుడు, అబ్బాస్ , ఉత్సవ కమిటీ సభ్యులు పాశం గోపాల్ రెడ్డి , మారం నారాయణరెడ్డి , యల్లంకొండ ఉపేందర్ రెడ్డి , జమ్ముల రఘు, దోరేపల్లి వెంకన్న , మల్లిఖార్జున్, బత్తుల చేతన్, అభి తదితరులు పాల్గొన్నారు.