కోదాడ, ఆగస్టు 23(జనంసాక్షి)

కోదాడ పట్టణంలో వేంచేసియున్న వీరబ్రహ్మేంద్ర స్వామి దేవాలయ  ప్రాంగణంలో ఇటీవల ప్రతిష్టించిన అభయాంజనేయ స్వామి దేవాలయం వద్ద ఎనిమిదవ మంగళవారం కావడంతో భక్తులు పెద్ద ఎత్తున పాల్గొని స్వామి వారికి ప్రత్యేక పూజ కార్యక్రమాలు నిర్వహించారు. తెల్లవారుజాము నుండి స్వామివారికి ఆలయ పూజారులు పంచామృతాభిషేకాలు, ఆకు పూజ ప్రత్యేక పూలతో స్వామివారిని అలంకరించి భక్తిశ్రద్ధలతో పూజా కార్యక్రమాలు నిర్వహించారు. భక్తులు పెద్ద ఎత్తున పాల్గొని స్వామివారిని దర్శించుకుని తీర్థప్రసాదాలు స్వీకరించారు. అనంతరం దాతల సహకారంతో 500 మంది భక్తులకు ఏర్పాటు చేసిన అన్నదాన కార్యక్రమాన్ని ఆలయ అధ్యక్షులు జూకురి అంజయ్య అన్నదాన నిర్వాహకులు దేవరశెట్టి హనుమంతరావు చేతుల మీదుగా ప్రారంభించారు. ఈ కార్యక్రమంలో అన్నదాన దాత వెన్న సీతారాములు, లక్ష్మి దంపతులు ఆలయ కమిటీ సభ్యులు బి. సత్యం, కృష్ణమూర్తి, బ్యాటరీ చారి, వంశీకృష్ణ, అప్పారావు, వాసు తదితరులు పాల్గొన్నారు.