అన్నదానం చేస్తున్న సభ్యులు.
బెల్లంపల్లి,అక్టోబర్2,(జనంసాక్షి)
బెల్లంపల్లి పట్టణంలోని కాంటా ఏరియా బస్టాండ్ వద్ద ఆదివారం అమ్మఒడి స్వచ్ఛంద సేవా సంస్థ ఆధ్వర్యంలో అన్నదానం చేపట్టారు. ఈసందర్భంగా అమ్మఒడి అన్నదాత ప్రాజెక్టు బెల్లంపల్లి బ్రాంచ్ మేనేజర్ హనుమండ్ల మదుకర్ మాట్లాడుతూ అన్నమో రామచంద్ర అని ఆకలితో అలమటిస్తున్న వారి ఆకలి బాధను తగ్గించడానికి తమ వంతు సాయంగా అన్నదానం కార్యక్రమం ప్రారంభించామని తెలిపారు. జాతిపిత మహాత్మా గాంధీ మరియు మాజీ ప్రధాని లాల్ బహదూర్ శాస్త్రి జయంతి సందర్భంగా పేరు తెలపడానికి ఇష్టపడని శాశ్వత దాతల ఆర్థిక సహకారంతో 151 వ సారి అన్నదానం చేపట్టినట్లు అయన పేర్కొన్నారు. బెల్లంపల్లి పట్టణంలోని కాంటా చౌరస్తా పల్లెటూరి బస్టాండు వద్ద యచకులకు, నిరుపేదలకు, కూలీలకు, బాటసారులకు, సుమారు 200 మందికి అన్నదానం చేసినట్లు తెలిపారు. ఈకార్యక్రమంలో అమ్మఒడి సభ్యులు హనుమండ్ల సువర్ణ, అమూల్య, గన్నెవరం తిరుమల చారి, రంగ సురేష్, నాగుల సురేష్, సిద్ధమల్ల రఘు,ప్రఖ్యాత్, కుడికాల తేజ, ఎండి యూసుఫ్, చెందుపట్ల లింగన్న పాల్గొన్నారు.