బెల్లంపల్లి,అక్టోబర్16,(జనంసాక్షి)
బెల్లంపల్లి పట్టణంలోని కాంటా ఏరియా బస్టాండ్ వద్ద ఆదివారం అమ్మఒడి స్వచ్ఛంద సేవా సంస్థ ఆధ్వర్యంలో అన్నదానం చేపట్టారు. ఈసందర్భంగా అమ్మఒడి అన్నదాత ప్రాజెక్టు బెల్లంపల్లి బ్రాంచ్ మేనేజర్ హనుమండ్ల మదుకర్ మాట్లాడుతూ అన్నమో రామచంద్ర అని ఆకలితో అలమటిస్తున్న వారి ఆకలి బాధను తగ్గించడానికి తమ వంతు సాయంగా అన్నదానం కార్యక్రమం ప్రారంభించామని తెలిపారు. నెన్నెల మండలం ఖర్జి గ్రామానికి చెందిన కోట లావణ్య- రాజన్న దంపతుల కూతురు నందన జన్మదినం సందర్భంగా కోట రాజన్న ఆర్థిక సహాయం తో 151 వ సారి అన్నదానం చేపట్టినట్లు అయన పేర్కొన్నారు. బెల్లంపల్లి పట్టణంలోని కాంటా చౌరస్తా పల్లెటూరి బస్టాండు వద్ద యచకులకు, నిరుపేదలకు, కూలీలకు, బాటసారులకు, సుమారు 200 మందికి అన్నదానం చేసినట్లు తెలిపారు. ఈకార్యక్రమంలో దాతలు కోట లావణ్య-రాజన్న, నల్ల రాజేందర్, అమ్మఒడి సభ్యులు హనుమండ్ల సువర్ణ, అమూల్య, రంగ సురేష్, బెల్లంకొండ వెంకటేష్, ఎండి యూసుఫ్, చెందుపట్ల లింగన్న పాల్గొన్నారు.