అశ్వరావుపేట అక్టోబర్ 10( జనం సాక్షి ) అశ్వరావుపేట లో సోమవారం ఎమ్మెల్యే మెచ్చ నాగేశ్వరరావు పలు కార్యక్రమాల్లో పాల్గొన్నారు. గుర్రాల చెరువు గ్రామంలో కల్పాల రాజు కుమార్తె మొదటి పుట్టినరోజు వేడుకల్లో హాజరై చిన్నారిని ఆశీర్వదించారు. గ్రామంలో కార్యకర్తను కలుసుకుని పలు సమస్యలను అడిగి తెలుసుకున్నారు. అనంతరం స్వరాజ్ స్టూడియో సీనియర్ ఫోటోగ్రాఫర్ పసుపులేటి ఆదినారాయణ ను పరామర్శించారు. ఆదినారాయణ సతీమణి లక్ష్మి దశదిన కార్యక్రమంలో లక్ష్మి చిత్రపటానికి పూలమాలవేసి నివాళులు అర్పించారు. ఈ కార్యక్రమంలో స్థానిక ప్రజా ప్రతినిధులు, కార్యకర్తలు తదితరులు పాల్గొన్నారు.