నేరేడుచర్ల( జనంసాక్షి)న్యూస్.దసరా పండక్కి తన తల్లిగారింటికి వెళ్లి,ఆర్టీసీ బస్సులో  తిరిగి వస్తుండగా బ్యాగులో ఉన్న 7 1/2 బంగారు ఆభరణాలను గుర్తు తెలియని వ్యక్తి దొంగలించిన సంఘటన చోటు చేసుకుంది. బాధితులు తెలిపిన వివరాలు ప్రకారం.నేరేడుచర్ల మండలంలోని నివాసం ఉండే తాము. దసరా పండుగకు తన విజిత తన తల్లిగారి ఊరైన తుంగతుర్తి మండలం సంగెంకు తన కూతురు నిత్య తో కలిసి వెళ్ళింది. పండగ అనంతరం శనివారం ఉదయం ఒక బ్యాగ్ లో బట్టలతో పాటు బంగారు నగలు పెట్టుకుని నేరేడుచర్ల బయలుదేరింది. బస్సులో ప్రయాణికులు రద్దీ గా ఉండటంతో తన వెంట తెచ్చుకున్న బ్యాగును తన కూతురు తో ఒక సీటు పక్కన నిలబడింది.తాను నిలబడిన పక్క సీటులో ఇద్దరు మహిళలు కూర్చున్నారని అందులో ఒక మహిళ తన మధ్య కొంత ఖాళీగా ఉండటంతో ఆ మధ్యలో తన కుతురు నిత్యను కూర్చోబెట్టింది. బస్సు రద్దీగా ఉండటంతో ప్రయాణికులు బస్సు ఎక్కుతుండటంతో విజేత తో పాటు అందులో ఉన్న వారందరినీ కండక్టర్ వెనక్కి పంపించడం జరిగిందని తెలిపారు. నేరేడుచర్ల బస్సుదిగి ఇంటికి వచ్చి బ్యాగ్‌ను చూసేసరికి అందులో ఉన్న 8 తులాల బంగారు ఆభరణాలు లేవనే విషయాన్ని గుర్తించి పోలీసులకు ఫిర్యాదు చేశారు. బాధితులు ఇచ్చిన ఫిర్యాదు మేరకు కేసు నమోదు చేసి దర్యాప్తు చేపడుతున్నట్లు నేరేడుచర్ల ఎస్సై ఎం. నవీన్ కుమార్ తెలిపారు.