కంటోన్మెంట్ జనం సాక్షి జూలై 17 కంటోన్మెంట్ బోర్డు మూడవ వార్డు సిఖ్ విల్లెజి మడఫోర్ట్ టెంపుల్ గ్రౌండ్ లోని మహాకాళి ఆలయంలో ఆషాఢమాసం బోనాల జాతర లో భాగంగా సోమవారం బోర్డు మాజీ ఉపాధ్యక్షులు జంపన ప్రతాప్ ముఖ్య అతిధిగా హాజరై ప్రత్యేక పూజలు చేసారు. టెంపుల్ గ్రౌండ్ లో మహాకాళి అమ్మవారి ఆలయం చాలా చిన్నదిగా ఉండేదని తన హాయంలో స్థలం తో బాటు ఆలయం అభివృద్ధి చెందిందని దాతలు ముందుకు వచ్చి ఆలయ అభివృధ్ధికి సహకరించాలని అన్నారు. ఈ కార్యక్రమంలో బీజేపీ సీనియర్ నాయకులూ ఆకుల నాగేష్, యాదగిరి, రమేష్ స్థానికులు పాల్గొన్నారు.
అన్ని దానల కెల్ల అన్నదానం మిన్న జంపన ప్రతాప్
మాహా అమావాస్య ను పురష్కరించుకొని న్యూ బోయినపల్లి బాపూజీనగర్ లోని శ్రీ దేవి నల్ల పోచమ్మ అమ్మవారి ఆలయ కమిటీ ఆధ్వర్యంలో ఈ రోజు అన్నదాన కార్యక్రమం నిర్వహించారు. ఆలయ ఫౌండర్ ఛైర్మెన్,బోర్డు మాజీ ఉపాధ్యక్షులు జంపన ప్రతాప్ ముఖ్య అతిధిగా హాజరై ఆలయంలో ప్రత్యేక పూజలు నిర్వహించి అన్నదాన కార్యక్రమం ప్రారంభించారు.ప్రతి నెలా అమావాస్య రోజున ఆలయ కమిటీ ఆధ్వర్యంలో అన్నదానం నిర్వహించడం అభినందనీయమని అన్నారు.