మునగాల, సెప్టెంబర్ 16(జనంసాక్షి): మండల పరిధిలోని ఇందిరా అనాధ వృద్ధాశ్రమంలో సామాజిక ఉద్యమకారుడు వేమూరి సత్యనారాయణ పిలుపు మేరకు శుక్రవారం కోదాడ పట్టణానికి చెందిన చోళ ఇన్సూరెన్స్ మేనేజర్ యామిని నర్సింహారావు తల్లి యామిని శర్వాణి 3వ వర్ధంతి సందర్భంగా ఆశ్రమంలో అన్నదానం నిర్వహించి పండ్లు పంపిణీ చేశారు. ఈ సందర్భంగా నరసింహారావు మాట్లాడుతూ, ప్రతి ఏడాది తన తల్లి శర్వాణి పేరు మీద అనాథ వృద్ధులకు తన కుటుంబ సభ్యులతో కలిసి అన్నదానం నిర్వహిస్తున్నట్లు తెలిపారు. అనాథ వృద్ధులకు ఒక పూట అన్నం పెట్టడం సంతోషాన్ని ఇస్తుందని అన్నారు. ఆశ్రమ అభివృద్ధికి తన వంతు సహకారం అందిస్తానని తెలిపారు. ఈ కార్యక్రమంలో కుటుంబ సభ్యులు హనుమయ్య, కనకదుర్గ, కేతన సత్యవాణి, ఆశ్రమ నిర్వాహకురాలు విజయమ్మ పాషా తదితరులు పాల్గొన్నారు.