దసరాకి ముందే ఎందుకు పరిష్కరించలేదు

అధికారులను హెచ్చరించిన మేయర్ సామల బుచ్చిరెడ్డి

మేడిపల్లి – జనంసాక్షి

దసరా పండుగ కంటే ముందే పర్యటించి తెలిపిన సమస్యలు కూడా ఇప్పటివరకు పరిష్కరించలేదని, ఇలా అయితే నీటి సమస్యలు ఎప్పటికీ పరిష్కారం కావని బోడుప్పల్ మేయర్ సామల బుచ్చిరెడ్డి అన్నారు. అత్యవసరమైన పనులను వెంటనే పరిష్కరించాలని సూచించారు.. బోడుప్పల్ నగరపాలక సంస్థ కార్యాలయంలో మేయర్ సామల బుచ్చిరెడ్డి, వాటర్ బోర్డు అధికారులు జిఎం శ్రీనివాస రెడ్డి, డిప్యూటీ జనరల్ మేనేజర్ నిర్మల, మేనేజర్ మమతతో సమావేశం ఏర్పాటు చేసి వివిధ డివిజన్లో ఉన్న నీటి సమస్యల గురించి చర్చించారు. అదే సమావేశంలో కొత్తగా వచ్చిన టిపిఓ మేయర్ కు రిపోర్ట్ చేశారు. తమరి బాధ్యతలు సక్రమంగా నిర్వహించి ఎటువంటి రీమార్క్ లేకుండా చూసుకోవాలని సూచించారు. అనంతరం ఎస్ బిఆర్ కాలనీలో పర్యటించి కాలనీవాసులతో కలిసి వాటర్ బోర్డు అధికారులు సమావేశం ఏర్పాటు చేసి వారి సమస్యలు విన్నవించారు. 16 డివిజన్లోని పలు వీధులలో పర్యటించి జనాల సమస్యలను అడిగి తెలుసుకున్నారు. డ్రైనేజీ సిసి రోడ్డు వంటి సమస్యలు త్వరగా పరిష్కరిస్తామని, వర్షాలు మూలంగా పాడైన రోడ్లు పునర్ నిర్మాణం చేయడానికి కూడా అవకాశం ఉండటం లేదని, కొద్దిగా సమయం ఇవ్వాలని కోరారు. ఈ కార్యక్రమంలో కార్పొరేటర్ రాసాల వెంకటేష్ యాదవ్, కో ఆప్షన్ నెంబర్ బద్దుల సుగుణ, సీనియర్ నాయకులు బద్దుల సత్యనారాయణ, మున్సిపల్ అధికారులు సిబ్బంది పాల్గొన్నారు.