మా అసోసియేషన్ అధ్యక్షులు బొడ్డుపల్లి ఉపేంద్రం

మహబూబాబాద్ బ్యూరో-జూలై24(జనంసాక్షి)

సై సారంగి యూట్యూబ్ మ్యూజిక్ ఛానల్ నిర్మించిన నువ్వులేని ఈ జన్మ నాకెందుకు పార్ట్2 పాట తననెంతో ఆకట్టుకుందని మా అసోసియేషన్ అధ్యక్షులు బొడ్డుపల్లి ఉపేంద్రం అన్నారు. మహబూబాబాద్ జిల్లా కేంద్రంలో శనివారం పాట విడుదల కార్యక్రమంలో ఆయన పాల్గొని మాట్లాడుతూ మానుకోట జిల్లాలో ఎందరో కవులు, కళాకారులు, క్రీడాకారులు, సంగీత దర్శకులు పుట్టినిల్లని సై సారంగి ఛానల్ బృందం ప్రజల మన్ననలు పొందుతూ వారిని మరోమారు గుర్తుచేస్తున్నారని అన్నారు. చిన్నవయసులోనే కొమ్మబోయిన అనిల్ ఫోటోగ్రాఫర్ గా,నిర్మాతగా, పాటల రచయితగా, ఎడిటర్ గా ఎదగడం గర్వించదగ్గ విషయమని కొనియాడారు. యూట్యూబ్ ఛానల్ స్థాపించి కొత్త కొత్త తరహాలో ప్రజలకు మానసిక ఉల్లాసాన్ని కలిగించేలా సినిమా తరహాలో పాటలను అందిస్తూ ప్రజల మనసులు గెలుస్తున్నారని మరిన్ని పాటలతో భవిషత్తులో ఉన్నతస్థాయికి చేరుకోవాలని కోరారు. ఈ కార్యక్రమంలో ఎల్. అనిల్ కుమార్, సంపంగి రాజేశ్వరి, ఇంద్రజిత్, అంబెడ్కర్ స్టూడెంట్ ఫెడరేషన్ రాష్ట్ర కన్వీనర్ ఇనుగుర్తి సుధాకర్, ఎస్సి ఎస్టీ బిసి మైనార్టీ విద్యార్థి సంఘం ఉమ్మడి వరంగల్ అధ్యక్షులు పొన్నాల యుగేందర్, అంబాల శివ కుమార్, మందుల రఘు తదితరులు పాల్గొన్నారు.