తిరుమలగిరి (సాగర్), సెప్టెంబర్ 20 (జనంసాక్షి):
శ్రీ వెంకటేశ్వర కంటి హాస్పిటల్ మిర్యాలగూడ ఆధ్వర్యంలో మంగళవారం మండల కేంద్రంలో ఉచిత కంటి వైద్య పరీక్షలు నిర్వహించారు. ఈ కార్యక్రమాన్ని సర్పంచ్ శాగం శ్రవణ్ కుమార్ రెడ్డి ప్రారంభించారు. సీనియర్ డాక్టర్ ఎం భరత్ భూషణ్ ఉస్మానియా సీనియర్ ఆప్తాలిక్ సర్జన్ ఆధ్వర్యంలో ఈ ఉచిత కంటి వైద్య శిబిరాన్ని నిర్వహించారు. సుమారు వందమంది ప్రజలకు ఉచిత కంటి వైద్య పరీక్షలు నిర్వహించి వారికి కొన్ని రకాల కంటి చుక్కల మందులు ,కంటి అద్దాలు ఇచ్చినట్లు డాక్టర్ భరత్ భూషణ్ తెలిపారు. ఈ కార్యక్రమంలో తిరుమలగిరి పంచాయతీ కార్యదర్శి బుర్రి శ్రీనివాస్, యాదవ్ విద్యా కమిటీ చైర్మన్ ఇరిగి నాగయ్య మూగల మల్లయ్య, ప్రమీల పగడాల సైదులు, నక్కల అంజిరెడ్డి తదితరులు పాల్గొన్నారు.