– గల్లా నాగభూషణం సేవలు మరువలేనివి..

– మిల్లు అభివృద్ధి-సంఘాల బలోపేతానికి ఎనలేని కృషి..

– సన్మాన కార్యక్రమంలో కొనియాడిన సానికొమ్ము…

బూర్గంపహాడ్ అక్టోబర్ 01 (జనంసాక్షి) భద్రాద్రి కొత్తగూడెం జిల్లా, బూర్గంపహాడ్ మండలం సారపాక ఐటీసీ లో గత నలభై సంవత్సరాలుగా ఐటీసీ-భద్రాచలం పేపర్ మిల్లులో అంకితభావంతో విశిష్ట సేవలందించి శనివారం ఉద్యోగ విరమణ పొందిన సీనియర్ కార్మిక నాయకుడు గల్లా నాగభూషణం ని ఐటీసీ శ్రామిక శక్తి ఎంప్లాయిస్ అండ్ బదిలీస్ యూనియన్-టిఆర్ఎస్ కేవీ అధ్యక్షులు సానికొమ్ము శంకర్ రెడ్డి ఆధ్వర్యంలో ఘనంగా సన్మానం నిర్వహించారు. ముందుగా వారికి పూల బొకే అందజేసి శాలువాలతో సత్కరించారు. అనంతరం శంకర్ రెడ్డి మాట్లాడుతూ గల్లా నాగభూషణం మిల్లు అభివృద్ధి కి, యూనియన్ సంఘాల బలోపేతానికి ఎనలేని కృషి చేశారని వారు సేవలు మరువలేనివని, ఆయన అందరకీ ఆదర్శం అని అన్నారు. ఉద్యోగుల వేతన ఒప్పంద సమయంలో తనదైన శైలిలో కార్మికుల పక్షాన నిలబడి కార్మికులకు మంచి మెరుగైన వేతన ఒప్పందాలు విజయవంతం కావడానికి ముఖ్యపాత్ర వహించారని, వారి ఉద్యోగ విరమణ శేష జీవితం భద్రాచలం శ్రీ సీతారామ చంద్రస్వామి వారి ఆశీస్సులతో హాయిగా గడపాలని భగవంతుడు ఆయనకు ఆయురారోగ్యాలు, శుఖ సంతోషాలు ప్రసాదించాలని మనస్ఫూర్తిగా దేవుణ్ణి కోరుకుంటున్నానన్నారు. ఈ కార్యక్రమంలో శ్రామిక శక్తి ఎంప్లాయిస్ అండ్ బదిలీస్ కార్మికులు పాల్గొన్నారు.