సూర్యాపేట ప్రతినిధి(జనంసాక్షి) : ఉన్నత లక్ష్యంతో చదివితే ఉజ్వల భవిష్యత్‌ ఉంటుందని సూర్యాపేట జిల్లా కేంద్రంలోని ఆర్ కెఎల్ కె డిగ్రీ కళాశాల డైరెక్టర్ ఎల్.త్యాగరాజు అన్నారు.ఇటీవల వెలువడిన మహాత్మా గాంధీ యూనివర్సిటీ డిగ్రీ సెమిస్టర్ ఫలితాల్లో ఆ కళాశాలకు చెందిన బీఎస్సీ (బీజెడ్సీ) సెకండీయర్ స్టూడెంట్ చెంచల లయ ఫోర్త్ సెమిస్టర్ లో 10 కి 10 జీపీఏ సాధించింది.ఈ సందర్భంగా చెంచల లయను కళాశాల యాజమాన్యం, అధ్యాపకులు అభినందించి ఘనంగా సన్మానించారు.అనంతరం ఆయన మాట్లాడుతూ నేటి పోటీ ప్రపంచంలో పట్టుదలతో చదివితే తప్పకుండా విజయం దక్కుతుందన్నారు. ప్రతి విద్యార్థి కష్టపడే తత్వాన్ని అలవర్చుకోవాలన్నారు.10 కి 10 ఎస్జీపీఏ సాధించి యూనివర్సిటీ స్థాయిలో కళాశాలకు గుర్తింపు తీసుకువచ్చిన లయకు అభినందనలు తెలిపారు.ఈ కార్యక్రమంలో కళాశాల ప్రిన్సిపాల్ యు.రణదేవ్, వైస్ ప్రిన్సిపాల్ జీ.కృష్ణమ నాయుడు, యూజీ కోఆర్డినేటర్ ఎం.సిద్ధు , అధ్యాపకులు వెంకటేశ్వర్లు, సత్యనారాయణ, పూల్ సింగ్ , రాంబాబు, శ్రీనివాసచారి, ఉపేందర్, సుజాత, లింగయ్య తదితరులు పాల్గొన్నారు.