చేర్యాల (జనంసాక్షి) ఆగస్టు 24 : విద్యుత్ షాక్ తో ఓ యువకుడు మృతి చెందిన సంఘటన హైదరాబాద్ నగరంలోని సూరారంలో చోటుచేసుకుంది. స్థానికులు, కుటుంబ సభ్యులు తెలిపిన వివరాల ప్రకారం.. చేర్యాల మండల పరిధిలోని ఆకునూరు గ్రామానికి చెందిన కడారి రామస్వామి (37) బతుకుదెరువు కోసం హైదరాబాద్ లోని రసూల్ పురాలో నివాసముంటూ సూరారంలోని ఓ వైన్స్ లో తినుబండారాలు అమ్ముకుంటూ జీవనం కొనసాగిస్తున్నాడు. ఆ వైన్స్ ముందు ఉన్న ట్రాన్స్ఫార్మర్ పెన్సింగ్ కు ఉన్న ఫ్లెక్సీ ని తీస్తున్న క్రమంలో విద్యుత్ షాక్ కు గురై అపస్మారక స్థితిలో పడిపోగా వెంటనే గమనించిన స్థానికులు అంబులెన్స్ ద్వారా హైదరాబాద్ గాంధీ ఆసుపత్రికి తరలించగా మృతి చెందినట్లు వైద్యులు తెలిపారు. ఆయన మృతితో కుటుంబ సభ్యుల రోదనలను మిన్నంటాయి. మృతునికి తల్లిదండ్రులు, భార్య, ఇద్దరు కుమారులు, ఓ కుమార్తె ఉన్నారు.