జిల్లా కలెక్టర్ వినయ్ కృష్ణారెడ్డి
చండూరు, జనం సాక్షి,అక్టోబర్ 7. మునుగోడు అసెంబ్లీ నియోజక వర్గ ఉప ఎన్నిక నామినేషన్ ల ప్రక్రియ సజావుగా సాగేందుకు అన్ని ఏర్పాట్లు పూర్తి చేసినట్లు జిల్లా ఎన్నికల అధికారి,కలెక్టర్ టి. వినయ్ కృష్ణారెడ్డి తెలిపారు.శుక్రవారం చండూరు తహశీల్దార్ కార్యాలయం లో నామినేషన్ ప్రక్రియ ఏర్పాట్లు అదనపు కలెక్టర్ భాస్కర్ రావు తో కలిసి పరిశీలించారు .ఎన్నికల ప్రవర్తనా నియమావళి అమలుకు మండలం కు ఒకటి చొప్పున 7 ఎం.సి.సి.టీమ్ లు రెండు షిఫ్ట్ లలో 24X7 పని చేయనున్నట్లు తెలిపారు.అదే విధంగా ఓటర్ల ను ప్రలోభ పరచకుండా డబ్బు,మద్యం,ఇతర వస్తువుల పంపిణీ తనిఖీ చేసేందుకు ప్రత్యేక దృష్టి పెట్టినట్లు, మండలం కు ఒకటి చొప్పున 7 ప్లయింగ్ స్క్వాడ్ టీమ్ లు,7 వి.ఎస్.టి.టీమ్ లు,ముఖ్యమైన ప్రాంతాల్లో 9 ఎస్.ఎస్.టి టీమ్ లు ఏర్పాటు చేసినట్లు తెలిపారు.