మునగాల, ఆగష్టు 13(జనంసాక్షి): కోదాడ ఎమ్మెల్యే బొల్లం మల్లయ్య యాదవ్ పుట్టినరోజు సందర్భంగా అనంతగిరి మండల పరిధిలోని ఖానాపురం సర్పంచ్, మండల సర్పంచ్ ల ఫోరం అధ్యక్షుడు జొన్నలగడ్డ శ్రీనివాసరావు శనివారం మునగాల మండలంలోని ముకుందాపురం గ్రామపంచాయతీ పరిధిలో ఉన్న ఇందిరా అనాధ వృద్ధాశ్రమంలో అన్నదానం కార్యక్రమం నిర్వహించి కేక్ కట్ చేసి అనాధలకు వృద్ధులకు దుస్తులు పంపిణీ చేశారు. అంతేగాక శ్రీనివాసరావు తల్లి జొన్నలగడ్డ నాగమ్మ జ్ఞాపకార్థం ఆశ్రమానికి సీలింగ్ ఫ్యాన్ బహుకరించారు. ఈ కార్యక్రమంలో మునగాల మండల ప్రఖ్యాత సామాజిక ఉద్యమకారుడు వేమూరి సత్యనారాయణ, అనంతగిరి మండల టీఆర్ఎస్ పార్టీ అధ్యక్షుడు గింజుపల్లి రమేష్, ఆశ్రమం నిర్వాహకురాలు నాగిరెడ్డి విజయమ్మ, షేక్ జాహిద, నీలమ్మ, జయమ్మ, రమణ, షేక్ పాషా తదితరులు పాల్గొన్నారు.