హుజూర్ నగర్ ఆగస్ట్ 13 (జనం సాక్షి): హుజూర్ నగర్ పట్టణంలోని ఆదిత్య పవర్ లయన్స్  కార్యాలయంలో ప్రభుత్వ ప్రాథమిక పాఠశాలలకు జాతీయ నాయకుల చిత్రపటాలను , జాతీయ జెండాలను  స్వతంత్ర భారత వజ్రోత్సవాలను పురస్కరించుకొని కస్తూరి ఫౌండేషన్ వారి సహకారంతో  లయన్స్ క్లబ్ ఆఫ్ పోంచర్ల ఆధ్వర్యంలో శనివారం పంపిణీ చేయడం జరిగిందని లయన్స్ క్లబ్ ఆఫ్ పొంచర్ల ఉపాధ్యక్షులు కున్ రెడ్డి నాగిరెడ్డి అన్నారు. ఈ సందర్భంగా ఆయన మాట్లాడుతూ ఆ చిత్రపటాలను చూసి విద్యార్థులు ఆయా జాతీయ నాయకుల త్యాగాలను గుర్తు చేసుకునేందుకు అవకాశం ఉంటుందని అన్నారు. ఈ కార్యక్రమానికి ముఖ్యఅతిథిగా విశ్రాంత ఉపాధ్యాయులు నూకల నరేందర్ రెడ్డి పాల్గొని మాట్లాడుతూ విద్యార్థులకు మన చరిత్ర సంస్కృతి సాంప్రదాయాలను చిన్ననాటి నుండి తెలియజేయాలని అన్నారు. ఈ కార్యక్రమంలో లయన్స్ క్లబ్ ఆఫ్ పొంచర్ల అధ్యక్షులు దంతూరి సైదులు గౌడ్, కార్యదర్శి పిన్నాని కోటేశ్వరరావు, కోశాధికారి సోమగాని రాంప్రసాద్ , కోలా నాగేశ్వరరావు , సేవా కార్యక్రమాల ప్రతినిధి బోళ్ళ గోవిందరెడ్డి, ప్రధానోపాధ్యాయులు రాజశేఖర్ రెడ్డి , మాభాష , షర్మిల తదితరులు పాల్గొన్నారు.