టేకులపల్లి ,సెప్టెంబర్ 22( జనం సాక్షి): ఎరువు పురుగు మందులు షాపులను వ్యవసాయ అధికారులు గురువారం ఆకస్మికంగా తనిఖీ చేశారు. టేకులపల్లి లోని నందిని, మణికంఠ ట్రేడర్స్ షాప్ లోని స్టాక్ రెజిస్టర్స్, పి ఓ ఎస్ మెషీన్ లో ఎరువులు నమోదు చేస్తున్నది, లేనిది ఇల్లందు వ్యవసాయ సంచాలకులు వాసవి రాణి పరిశీలంచారు. యూరియాను ఎమ్మార్పీ ధరకు మించి అమ్మినట్లయితే పది రోజులపాటు అమ్మకాలు నిలిపివేస్తామని హెచ్చరించారు. స్టాక్ బోర్డులో స్టాక్ వివరాలు ధరల పట్టిక ప్రతిరోజు రాయాలని రైతులకు బోర్డు కనపడే విధంగా పెట్టాలని షాప్ యజమానులకు సూచించారు. ఈ తనిఖీలో మండల వ్యవసాయ అధికారిని నీరుడు అన్నపూర్ణ పాల్గొన్నారు.