మెట్పల్లి పట్టణానికి నూతన మహాత్మ జ్యోతిబాపూలే పాఠశాలను మంజూరు చేసిన రాష్ట్ర ప్రభుత్వం
మెట్పల్లి టౌన్ సెప్టెంబర్ 22 జనం సాక్షి
రాష్ట్రంలో నూతనంగా 33 మహాత్మ జ్యోతిబాపూలే పాఠశాలలను ఏర్పాటు చేస్తున్న నేపథ్యంలో కోరుట్ల శాసనసభ్యులు కల్వకుంట్ల విద్యాసాగర్ రావు మెట్పల్లి పట్టణంలో మాట్లాడుతూ, జిల్లాలో ఏర్పాటు చేసే ఇట్టి పాఠశాలను మెట్పల్లి పట్టణంలో ఏర్పాటు చేయవలసిందిగా ముఖ్యమంత్రి కెసిఆర్ ని మరియు సంబంధిత మంత్రులకు విజ్ఞప్తి చేయగా, వారు స్పందిస్తూ ఇట్టి పాఠశాలను మెట్పల్లి పట్టణంలో ఏర్పాటు చేయడం జరిగింది. మహాత్మ జ్యోతిబాపూలే పాఠశాల ఏర్పాటు చేసినందుకు ముఖ్యమంత్రి కెసిఆర్ కు, బీసీ సంక్షేమ శాఖ మంత్రి గంగుల కమలాకర్ కు, సంక్షేమ శాఖ మంత్రి కొప్పుల ఈశ్వర్ కు,కోరుట్ల శాసనసభ్యులు కల్వకుంట్ల విద్యాసాగర్ రావు కృతజ్ఞతలు తెలిపారు.
