చొప్పదండి, ఆగస్టు 18 (జనం సాక్షి);మండలంలోని వెదురుగట్ట గ్రామానికి చెందిన ఎస్ మల్లారెడ్డి కి మంజూరైన లక్ష రూపాయల ఎల్ఓసి చెక్కును ఎమ్మెల్యే సుంకే రవిశంకర్ బూరుగుపల్లి లోని తన నివాస గృహంలో మల్లారెడ్డి కుటుంబ సభ్యులకు అందజేశారు. ఈ సందర్భంగా ఎమ్మెల్యే మాట్లాడుతూ నిరుపేదలకు ఆపన హస్తముల సీఎం రిలీఫ్ ఫండ్ చెక్కులు, ఎల్ఓసిలు ఉపయోగపడుతున్నాయని పేర్కొన్నారు .ఆసుపత్రుల్లో వైద్యం చేయించుకో లేని స్థితిలో ఉన్న నిరుపేదలు సీఎం రిలీఫ్ ఫండ్ ఎల్ఓసి లకు దరఖాస్తు చేసుకోవాలని సూచించారు మల్లారెడ్డి చికిత్సకు లక్ష రూపాయల ఎల్ఓసి మంజూరు చేసిన ఎమ్మెల్యేకు మల్లారెడ్డి కుటుంబ సభ్యులు కృతజ్ఞతలు తెలిపారు. కార్యక్రమంలో సర్పంచులు గుంట రవి ,సురేష్, నాయకులు చిన్నారెడ్డి తదితరులు పాల్గొన్నారు.