పాన్ గల్, జులై 08( జనం సాక్షి)

 కడుపునొప్పి తో బాలుడు మృతి చెందిన సంఘటన గురువారం రాత్రి బండపల్లి గ్రామంలో చోటు చేసుకుంది. వివరాల్లోకి వెళితే బండపల్లి గ్రామానికి చెందిన కుమారి లాలయ్య, బాలమణి వీరికి ఇద్దరు కుమారులు ఒక కుమార్తె ఉన్నారు. వీరిలో కిరణ్ కుమార్ 9 సంవత్సరాల గల బాలుడు అమ్మమ్మ ఊరైన మాధవ రావు పల్లిలో ఉంటూ, నాలుగో తరగతి చదువుతున్నాడు. ఈ క్రమంలో గురువారం రోజు రాత్రి కడుపు నొప్పి రావడంతో హుటాహుటిన వనపర్తి ఏరియా ఆసుపత్రికి తీసుకు వెళ్తుండగా, మార్గమధ్యలో చనిపోవడం జరిగిందని కుటుంబ సభ్యులు తెలిపారు. బాలుడి మృతి తో గ్రామంలో విషాదఛాయలు అలుముకున్నాయి. మాజీ జెడ్పిటిసి సభ్యుడు రామ్మూర్తి నాయుడు బాధిత కుటుంబాన్ని పరామర్శించి, మూడు వేల రూపాయల ఆర్థిక సహాయాన్ని అందజేశారు.