వరంగల్ ఈస్ట్, ఆగస్టు 10 (జనం సాక్షి)వరంగల్ నగరంలోని 39 వ డివిజన్ కరీమాబాద్ శ్రీ లలిత మహా త్రిపుర సుందరి దేవి దేవాలయంలో గురువారం సాయంత్రం ఘనంగా విశ్వగురు కార్యక్రమాన్ని నిర్వహించారు. ఈ కార్యక్రమంలో ప్రధానంగా భారత దేశంలోని హిందూ దేవాలయాల రక్షణతో పాటు హిందూ ధర్మ పరిరక్షణ కు ఎలా ముందుకు సాగాలో ఈ పూజా కార్యక్రమంలో వివరించారు. అంతేకాకుండా భక్తులు తమకు ఆరోగ్యము, ఐశ్వర్యము కావాలని కోరుకోవడంలో పాటించాల్సిన భక్తి నియమాలను ఈ సందర్భంగా వివరించారు. అదేవిధంగా మానవ జన్మ సార్థకత గురించి తెలియజేశారు. జీవితాలు ప్రశాంతంగా ఎలా ఉండాలో ఉండడానికి కావలసిన భక్తి శ్రద్ధ లు తీసుకోవాల్సిన పద్ధతులను స్పష్టంగా వివరించారు. భగవంతునిపై భక్తిశ్రద్ధలను చూపడం వల్ల కలిగే లాభాల గురించి తీర్చుకోవలసిన కోరికల గురించి వివరించారు. మానసిక ప్రశాంతత కోసం ఏం చేయాలో తెలియజేశారు. అనంతరం తీర్థప్రసాదాలు అందజేశారు. అదేవిధంగా మాతాజీని అర్చకులను శాలువాతో సత్కరించారు.