కేసముద్రం అక్టోబర్22 జనం సాక్షి / తెలంగాణ కల్లుగీత కార్మిక సంఘం రాష్ట్ర కార్యవర్గ సభ్యులు  గా కేసముద్రం మండలానికి చెందిన బబ్బురి ఉప్పలయ్య,మోడెం వెంకటేశ్వర్లు ఎన్నికైనారు.ఈ సందర్భంగా వారు మాట్లాడుతూ ఈనెల 19,20, 21 తేదీలలో యాదాద్రి భువనగిరి జిల్లాలో నిర్వహించిన రాష్ట్ర మహాసభలలో నూతన కార్యవర్గాన్ని ఎన్నుకున్నారని వారు తెలిపారు. రాష్ట్ర కార్యవర్గ సభ్యునిగా స్థానం కల్పించడం పట్ల సంతోషం వ్యక్తం చేస్తూ,ఈ అవకాశం రావడానికి సహకరించిన ప్రతి ఒక్క కల్లుగీత కార్మికులకు ప్రత్యేక ధన్యవాదాలు తెలిపారు.ఈ అవకాశంతో గౌడ కులస్తుల సంక్షేమం,కల్లు గీత కార్మికుల కోసం మరింత బాధ్యతాయుతంగా పనిచేస్తామని తెలిపారు.పదవి రావడం వల్ల బాధ్యత పెరుగుతుందని, కేసముద్రం మండల కల్లు గీత కార్మిక సంఘం పనితీరును బేరీజు వేసుకొని ఈ అవకాశం కల్పించినట్లు తెలిపారు.మూడు రోజులపాటు నిర్వహించిన బహిరంగ సభ సమావేశాలు విజయవంతం అయ్యాయని తెలిపారు. తమ పై నమ్మకంతో కార్యవర్గ సభ్యులుగా ఎన్నుకున్న రాష్ట్ర అధ్యక్షులు ఎం వి రమణ,మహబూబాబాద్ జిల్లా అధ్యక్షులు యమగాని వెంకన్న కి కృతజ్ఞతలు తెలిపారు.