తెరాస మండల అధికార ప్రతినిధి రాం సైదులు

గరిడేపల్లి, జూలై 24 (జనం సాక్షి):తెలంగాణ రాష్ట్ర పురపాలక ఐటి పరిశ్రమల శాఖమంత్రి వర్యులు కల్వకుంట్ల తారకరామారావు  జన్మదినోత్సవం సందర్భంగా గరిడేపల్లి మండలంలోని  పోనుగోడు గ్రామంలోని కాకతీయుల కాలం నాటి త్రిలింగేశ్వర స్వామి  దేవస్థానంలో ప్రత్యేక అర్చన చేయించి ఆయన  ఆయురారోగ్యాలతో ఉండాలని  పూజలు నిర్వహించారు. ఈ సందర్భంగా తెరాస మండల అధికార ప్రతినిధి రాం సైదులు మాట్లాడుతూ ముఖ్యమంత్రి కేసీఆర్ వారసుడిగా ఆయన అడుగు జాడల్లో మంత్రి కేటీఆర్ నడుస్తూ తెలంగాణ రాష్ట్ర అభివృద్ధి కొరకు అహర్నిశలు కృషి చేస్తున్న నిరంతర శ్రామికుడని ప్రజల సంక్షేమమే ద్యేయంగా పని చేస్తున్న ప్రజా నాయకుడని అన్నారు. కేటీఆర్ విదేశాల నుంచి హైదరాబాద్ కి పెట్టుబడులు తీసుకువచ్చి తెలంగాణ రాష్ట్ర అభివృద్ధికి పాటు పడుతున్నాడని అన్నారు. ఈ కార్యక్రమంలో గ్రామ పార్టీ అధ్యక్షుడు చామకూరి అంజి గౌడ్, నియోజకవర్గ యువజన నాయకులు అనంతు కరుణాకర్ గౌడ్,మత్య్స సహకార సంఘం చైర్మన్ మామిడి లక్ష్మీనారాయణ,యస్ సి సెల్ గ్రామ ప్రధాన కార్యదర్శి రాం మధు,నాయకులు రేఖ శివ, అనంతు తరుణ్, రమేష్ ,నందిపాటి నరహరి,జూలకంటి మైసయ్య,ఉమేష్,పవన్, తదితరులు పాల్గొన్నారు.