ముఖ్య అతిథులుగా ఎంపీపీ చంద్రమోహన్,మార్కెట్ చైర్మన్ నారాయణరావు

కేసముద్రం ఆగస్టు 20 జనం సాక్షి /   మండలంలోని  కేసముద్రం (విలేజ్)  గ్రామంలో రాష్ట్ర ప్రభుత్వం ప్రతిష్టాత్మకంగా చేపట్టిన 75వ భారత స్వాతంత్ర్య వజ్రోత్సవాల కార్యక్రమంలో భాగంగా శనివారం రోజున  స్థానిక జెడ్ పి హెచ్ ఎస్  హైస్కూల్  ఆవరణలో ముగ్గుల పోటీలు గ్రామ సర్పంచ్ ప్రభాకర్ ఆధ్వర్యంలో ఘనంగా నిర్వహించారు.ఈ పోటీలలో మహిళలు పెద్ద సంఖ్యలో పాల్గొని దేశభక్తితో కూడుకున్న ముగ్గులు వేసి పలువురిని ఆకర్షించారు.ముఖ్య అతిథులుగా మండల ఎంపీపీ ఓలం చంద్రమోహన్,మార్కెట్ చైర్మన్ మర్రి నారాయణరావు,ఎంపీడీవో రోజా రాణి ముగ్గుల పోటీలను పర్యవేక్షించి అనంతరం విజేతలుగా నిలిచిన వారికి బహుమతులు ప్రధానం చేశారు. ఈ కార్యక్రమంలోఎంపీటీసీల ఫోరం మండల అధ్యక్షులు సట్ల వెంకన్న,ఎంపీటీసీ కొమ్ము స్వాతి రాహుల్, పంచాయతీ కార్యదర్శి రాజు, వార్డు సభ్యులు రడం శ్రీనివాస్, తుంపిళ్ళ వెంకన్న,గ్రామ పెద్దలు,మహిళా సంఘాలు, ప్రజలు తదితరులు పాల్గొన్నారు.