-మీ రాజకీయ మరువద్దు
-కన్నతల్లి లాంటి కాంగ్రెస్ ను
ధనార్జన కోసం వీడుతారా
-బీజేపీ లో ఉంటావా… కాంగ్రెస్ కు వస్తావా
విరుచుకుపడ్డ మునుగోడు కాంగ్రెస్ నేతలు
నల్గొండ బ్యూరో. జనం సాక్షి
కోమటిరెడ్డి బ్రదర్స్…. మీ రాజకీయ పుట్టుక మర్చిపోవద్దు.. కన్నతల్లి లాంటి కాంగ్రెస్ ను జనార్ధన కోసం వీడుతారా అంటూ మునుగోడు నియోజకవర్గ కాంగ్రెస్ నేతలు విరుచుకు పడ్డారు. బుధవారం నియోజకవర్గ పరిధిలో మన కాంగ్రెస్ మన మునుగోడు కార్యక్రమం లో పాల్గొన్న అనంతరం ఊకోండి గ్రామంలో ఏర్పాటు చేసిన కాంగ్రెస్ పార్టీ ముఖ్య నాయకుల సమావేశంలో పెద్దపల్లి మాజీ ఎమ్మెల్యే విజయ రమణారావు. టిపిసిసి అధికార ప్రతినిధి పున్న కైలాస్ నేతలు మాట్లాడుతూ మీకు రాజకీయ జీవితాన్ని ఇచ్చింది కాంగ్రెస్ పార్టీ అని, ఆ పార్టీ పేరుతో నాటి నుండి నేటి వరకు ఆర్థికంగా, రాజకీయంగా ఎంత ఎదిగారో ఆ విషయం మర్చిపోవద్దన్నారు. తన స్వలాభం కోసం పార్టీ మారిన రాజగోపాల్ రెడ్డి కోసం అన్న వెంకటరెడ్డి మునుగోడు నియోజకవర్గ కాంగ్రెస్ ముఖ్య నేతలకు ప్రతిరోజు ఫోన్ చేసి మా తమ్ముడికి సహకరించండి. బీజేపీ కి ఓటు వేసి గెలిపించండి. అని చెప్పడం సిగ్గుచేటన్నారు. బీజేపీ ఇచ్చే తాయిలాలకు ఆశపడి ఎమ్మెల్యే పదవికి రాజీనామా చేసి పార్టీ మారడని, ఇప్పటికైనా మనసు మార్చుకొని బీజేపీ ని వీడి కాంగ్రెస్ లోకి వచ్చి పోటీ చేస్తే తామందరం మద్దతు ఇచ్చి గెలిపించుకుంటామని సవాల్ చేశారు.సమావేశంలో మాజీ ఎం పి టీ సీ పందుల భాస్కర్. నన్నూరు విష్ణువర్ధన్ రెడ్డి. మిరియాల మధుకర్. సైదులు. నరసింహ. వెంకటేష్. జానయ్య. మరయ్య ల తో బాటు రత్తిపల్లి. గంగోరి గూడెం. పులిపల్పుల గ్రామ కాంగ్రెస్ నాయకులు పాల్గొన్నారు.