టేకులపల్లి, ఆగస్టు 18( జనం సాక్షి) : సింగరేణి డైరెక్టర్ ఆపరేషన్స్ ఎస్.చంద్రశేఖర్ గురువారం కోయగూడెం ఒసి లో పర్యటించారు. ఆయన ఓసి సందర్శన స్థలం నుండి అక్కడ జరుగుతున్న పనులను పరిశీలించారు. రోజు వారి బొగ్గు ఉత్పత్తి , ఓబి బ్లాస్టింగ్, లోడింగ్ పనులను ఇల్లందు ఏరియా జనరల్ మేనేజర్ ఎం.షాలేము రాజు ను అడిగి తెలుసుకున్నారు. అనంతరం డైరెక్టర్ ఎస్.చంద్రశేఖర్ మాట్లాడుతూ బొగ్గు ఉత్పత్తి, రవాణా నిర్దేశించిన రోజు వారి లక్ష్యాలను అధికమించాలని, అలాగే వర్షా కాలంలో బొగ్గు ఉత్పత్తికి ఆటంకం లేకుండా తగు జాగ్రత్తలు తీసుకోవాలన్నారు. అంతేకాకుండా ఓబి బ్లాస్టింగ్, లోడింగ్ ఇతర పనులు పరిశీలించారు. రక్షణతో కూడిన ఉత్పత్తి చేయాలని అన్నారు. ఈ కార్యక్రమంలో ఏరియా రక్షణ అధికారి పంజాల శ్రీనివాసు, కోయగూడెం ఓపెన్ కాస్ట్ ప్రాజెక్ట్ అధికారి మల్లారపు మల్లయ్య, డివై.ఎస్.ఇ. మధుసూదన్ రావు, సర్వే అధికారి బి.నరేష్ తదితరులు పాల్గొన్నారు.