జహీరాబాద్ సెప్టెంబర్ 17(జనం సాక్షి)మండల కేంద్రంలోని మండలప్రజా పరిషత్ కార్యాలయంలో శనివారం 75వ తెలంగాణ జాతీయ సమైక్యత వజ్రోత్సవాల ఘనంగా జరుపుకున్నారు. ఎంపీడీఓ కార్యాలయం ఆవరణలో జరిగిన కార్యక్రమంలో జడ్పిటిసి రాందాస్ పాల్గొని మాట్లాడుతూ తెలంగాణ పోరాట వీరులను జాతి నిర్మాతలను నిత్యం స్మరించుకోవాలని పిలుపునిచ్చారు.ఎన్నో పోరాటాలు చేసి సాధించుకున్న తెలంగాణ ప్రస్తుతం అభివృద్ధి పథంలో దూసుకెళ్తుందని పేర్కొన్నారు. ప్రజాస్వామ్య వ్యవస్థలోకి అడుగు పెట్టి నేటికీ 75 వసంతాలను పూర్తి చేసుకున్న శుభ సందర్భంగా తెలంగాణ జాతీయ సమైక్యత వజ్రోత్సవాలను జరుపుకుంటున్నమన్నారు .ఈ ఎంపిపి మాధవి, ఎంపీడీఓ సుజాత నాయక్, ఎంపిపి ఉపాధ్యక్షుడు షకీర్ అలీ తదితరులు పాల్గొన్నారు.