* సీఐ పులి వెంకట్ గౌడ్.

 చిట్యాల సెప్టెంబర్30( జనంసాక్షి) క్రీడలు క్రమశిక్షణ తో పాటు మానసిక ఉల్లాసానికి దోహదం చేస్తాయని సి ఐ పులి వెంకట్ గౌడ్, ఎంపీపీ దావు వినోద, జడ్పిటిసి గొర్రె సాగర్ అన్నారు. శుక్రవారం మండల కేంద్రంలో పోలీస్ ఆధ్వర్యంలో నిర్వహిస్తున్న పోలీస్ దోస్తీ లో భాగంగా ఫైనల్ వాలీబాల్ పోటీలు గెలుపొందిన టీములకు ప్రథమ, ద్వితీయ, తృతీయ బహుమానాలను సీఐ పులి వెంకట్ గౌడ్, ఎంపీపీ దావు వినోద-వీరారెడ్డి, జడ్పిటిసి గొర్రె సాగర్ లు కలిసి అందజేశారు.కాగా ప్రధమ విజేతగా చిట్యాల, ద్వితీయ విజేతగా గిద్దముత్తారం, తృతీయ విజేతగా చల్లగరిగ కు గెలుపొందారు. అనంతరం వారు ఈ సందర్భంగా మాట్లాడుతూ విద్యార్థులు విద్యతో పాటు అన్ని క్రీడల్లో ప్రతిభ చాటాలన్నారు. క్రీడల ద్వారా క్రమశిక్షణ మానసిక ఉల్లాసం ఇస్తుందన్నారు. ఈ కార్యక్రమంలో ఎస్సై కృష్ణ ప్రసాద్, పోలీస్ సిబ్బంది, వివిధ గ్రామాల యువకులు తదితరులు పాల్గొన్నారు.