– జిల్లా కలెక్టర్ పాటిల్ హేమంత్ కేశవ్

సూర్యాపేట ప్రతినిధి ( జనంసాక్షి ) : క్రీడలు మానసిక ఉల్లాసానికి దోహదపడతాయని జిల్లా కలెక్టర్ పాటిల్ హేమంత్ కేశవ్ అన్నారు.ఆదివారం జిల్లా కేంద్రంలోని ఎస్వీ డిగ్రీ కళాశాల బ్యాడ్మింటన్ ఆడిటోరియంలో ప్రముఖ వైద్యులు రెంటాల సంపత్ కుమార్ జ్ఞాపకార్థం వారి కుమారుడు అరుణ్ కుమార్ సహకారంతో కోచ్ అండ్ ఇంచార్జ్ జార్జ్ గౌడ్ బాలెం ఆధ్వర్యంలో సూర్యాపేట పట్టణ స్థాయి బ్యాడ్మింటన్ పోటీలను ఆయన ప్రారంభించి మాట్లాడారు.క్రీడలతో శారీరక దారుఢ్యంతో పాటు స్నేహభావం పెంపొందుతుందన్నారు.ఈ కార్యక్రమంలో మెడికల్ కాలేజ్ సూపరింటెండెంట్ డాక్టర్ మురళీధర్ రెడ్డి, డాక్టర్లు చంద్రశేఖర్, శ్రీనివాస్ రెడ్డి, సురేష్, ఎస్బిఐ రీజినల్ మేనేజర్ కృష్ణమోహన్ , పూర్వ విద్యార్థుల సంఘం అధ్యక్షులు కర్నాటి కిషన్, కళాశాల ప్రిన్సిపాల్ డాక్టర్ వెంకటేశులు,వెంకటేశ్వర్లు,బాలరాజు తదితరులు పాల్గొన్నారు.